Photos

3-tag:People-1110px-slider

NEWS

 

ለጥበብ ቤተሰቦች፣

ቁራኛዬ፡ በህግ ከሄደች በቅሎዬ ያለህግ የሄደች ጭብጦዬ

ሲነርጂ ሃበሻ ፊልምና ኮሚኒኬሽን፣ መስከረም 19/2020

ጉዳዩየቁራኛዬ ፊልም መሪ ተዋናይት የምስራች ግርማ በቡርኪናፋሶ በተዘጋጀው በሶቲጉዪ አካዳሚ/Sotigui Academy ላይ የ2020 ምርጥ የምስራቅ አፍሪካ ተዋናይ ሆና ታጨች!

 የቁራኛዬ ፊልም ላይ ዓለሜን ሆና በመሪ ተዋናይነት ድንቅ ብቃቷን ያሳየችን የምስራች ግርማ በቡርኪናፋሶ በተዘጋጀው በሶቲጉዪ አካዳሚ/Sotigui Academy 2020 የምሽት ሽልማት ኢትዮጵያን ወክላ ስትታጭ ታላቅ ደስታ ይሰማናል፣ ይህ የፊልም ሽልማት በፊልሙ ዓለም የራሳቸውን ጉልህ አሻራ  ማስቀመጥ ለቻሉ ምርጥ አፍሪካውያንና አፍሪካዊ ዳያስፖራዎች  የሚሰጥ ሽልማት ነው፣ ይህ የፊልም ሽልማት ላለፉት 5 ዓመታት የፊልም ተዋናዮችን ዕውቅና በመስጠጥ ለተመልካቾቻቸው እንዲታወቁ በማድረግ ትልቅ ሚና ተጫውቷል፡፡ ዝነኛው Panafrican Festival of Cinema and Television of Ouagadougou (FESPACO) የዚህ አካዳሚ አጋር መሆኑ የሽልማት ስነስርዓቱን ከፍ ያለ ግምት ያሰጠዋል፡፡  

ቁራኛዬ ፊልም በሞገስ ታፈሰ ተፅፎ የተዘጋጀ ሲሆን ፊልሙ በኒው ዮርክ በተዘጃጀው የአፍሪካን ዳያስፖራ ኢንተርናሽናል ፊልም ፌስቲቫል (African Diaspora International Film Festival) ለዕይታ በቅቷል፤ በሲልቨር ስፕሪንግ በተዘጋጀው ኒው አፍሪካን ፊልም ፌስቲቫል (New African Film Festival) የፌስቲቫሉ መክፈቻ የነበረ ሲሆን፣ በግብፅም በተዘጋጀው ሉክሶር አፍሪካን ፊልም ፌስቲቫል (Luxor African Film Festival) ለዕይታ መብቃቱ ለሶቲጉዪ አካዳሚ/Sotigui Academy እንዲወዳድር እድል ፈጥሮለታል፡፡ ፊልሙ ሃገር አቀፍና አለም አቀፍ መክፈቻዎችን በአዲስ አበባ፣ በአሜሪካን፣ በእንግሊዝና በጀርመን ማድርጉ እንዲሁም በሀገር ውስጥ በርካታ እውቅናና ሽልማት ማግኘቱ የሚታወስ ነው፡፡ ፊልም በሃበሻ ቪው (www.habeshaview.com) አማካኝነት በሁሉም ሃገር በመታየት ላይ ነው፡፡  ፊልሙ በተሰራበት በአንኮበር ከተማም ለአካባቢው ነዋሪዎች በቅርብ ለዕይታ ይበቃል፡፡

በኦውጋዱጉ ቡርኪናፋሶ፣ በህዳር 12-14፣ 2020 በሚደረገው በሶቲጉዪ አካዳሚ/Sotigui Academy የፊልም ሽልማት “የሰላም ባህል፡- በሲኒማ ውስጥ ያሉ ሴቶች ምን አስተዋፅኦ አላቸው?” (The Culture of peace: what contribution from women in cinema?) በሚል አብይ ጉዳይ ዙሪያ የተዘጋጀ ሲሆን፣ እትዮጵያን ጨምሮ የሌሎች የአፍሪካ ሃገራት ተዋናዮች ታጭተዋል፡፡ የሃገራችን እጩ የሆነችው የምስራች ግርማ ከኬንያ፣ ናይጄሪያ፣ ኡጋንዳ፣ ካሜሩን፣ ናሚቢያ፣ ቶጎ፣ ግብፅ፣ ቻድ፣ ጋና፣ ቱኒሲያ ቡሪኪናፋሶ፣ ማላዊ፣ ሴኔጋል፣ ማሊ፣ ሞሪሺየስ፣ አልጄሪያ፣ ኮንጎ፣ ሴንትራል አፍሪካ፣ ታንዛኒያ፣ ሞሮኮ፣ ደቡብ አፍሪካ፣ ጋቦን  ተወዳዳሪዎች  ካባድ ፉክክር ይጠብቃታል፡፡  በሽልማቱ ምሽት በነሃሴ 28፣ 2020 ከዚህ ዓለም በሞት የተለየው የብላክ ፓንተር ዋና ተዋናይ የነበረው ቻድዊክ ቦስማን ይታወሳል፡፡

ለየምስራች ግርማ መልካም እድል እየተመኘን የፊልም ቤተሰቦችና አድናቂዎቿ በኣካዳሚው የመረጃ መረብ (http://www.academiedessotigui.org/) በመግባት “እዚህ ይምረጡ” (vote here) የሚለውን ቦታ በመንካት፣ የኢሜይል አድራሻችሁን በማስገባት፣ ከእጩዎች መሃል ምስሉዋ ያለበትን ምልክት በማድረግ፣ ድጋፋችንን እንድርግላት፣ ሃገራችንንም እናስጠራ፡፡

ለመለጠ መረጃ
ሲነርጂ ሃበሻ ፊልምና ኮሚኒኬሽን
ስልክ፡ 0911642670/0116680876
ኢሜይል mogest@synergyhabeshafilms.com/
mail@synergyhabeshafilms.com